الشاعر ابو جمال السلفي

قصيدة:- قـــالت خـــــلاص

قالت خلاص الحين صرنا حبايب

ترى مكانك بين رمشي وعيني

كذا من الله ما إجتْ بالقصايب

الله عطاك محبَّة الكون فيني

الله زرع لك داخلي قلب ذايب

والله زرع لي داخلك من يبيني

دنياي صارت في وجودك عجايب

حتى في احلامي أجيك وتجيني

كنَّه غلانا في سمانا سحايب

تمطر على روحي وروحك حنيني

وكن الامل ورده على غصن سايب

تاقف بنصف الدرب بينك وبيني

قالت كلام إن شئتْ سمَّه غرايب

لكن وجدته كل ما يحتويني

وجدتني قلبٍ عن الحب تايب

إلا هواها الِّي عرفته سنيني

وجدتني عشقْ وغرام وصبايب

ولو قلت مهما قلت ماْ اوفي حنيني

الله رزقني حبَّها لي نصايب

وأجمل هديِّه لي من الله تجيني

كذا من الله ما إجتْ بالقصايب

الله عطاها محبَّة الكون فيني