انا البأس الشديد اللي هرب لعداء من شره/وانا الخير الذي مايعرفه جني ولا انسان

(بكيل السلفي)



قبل يومين في بيتي وانا طفشان بالسهره
من الاكشن الى الموفي طوال الليل انا سهران


وفجئه رن جوالي بصوت(ن) عالي(ن) مره
وجاوبته هلا مرحب تفضل من معي يافلان


ولكن ماحد(ن) جاوب وعلّي حدّت النبره
غفلت الخط في وجهه لاني يومها زهقان


ومرت ساعة(ن) ونه تكرر رقم هالنمره
وقلت الوه ولاكني سمعت الصوت حق نسوان


تفاجئت بصراحه والقلب خفاق من جذره
وقلّدت انني جامد وصوتي قاسي(ن) مالآن


تنشد صوتها الناعم وكني تهت في بحره
وقالت من معي ياخوي هل هذا رقم ايمان


وقلت ايمان من يابنت تري قلطانه النمره
ولكن صوتك الجذاب يسحر كل انس وجان


عمري اربعه وعشرين يعني صرت انا خبره
ولاكنك جعلتيني احس اني طفل خجلان


امانه من معي قولي وقولي من هم الاسره
هل انتي من اهل جده اونك من فلل عجمان


ويمكنّك كويتيه وللبحرين لك سفره
اونك من عمان اللي جمال الارض فيها بان


ويمكن من قطر انتي شموخ(ن) من بني مُره
ويمكن من مصر او من حلب او من قمم لبنان


ويمكن من عدن اصلك اونك من بحر شقره
ويازينك اذا كنتي خضر لعيان من همدان


وقالت شف جزيرتنا ودولة من هي الكُبره
حدودي لابلاد الشام ولنا ارض اليمن جيران


ذكرت الأوله ابلادي بياض العين والغُره
سعوديه ولي هيبه تعدّت كامل الاوطان


أني من ارض ابو متعب فخوره عايشه حره
ووقت الحرب لي اسمي وقومي كلهم شجعان


ولكن انت قل من وين اذا كانت لك القُدره
واذا احرجتك ابقولي أباسف لوكنت زعلان


ضحكت وقلت كم باقي معك من شحنك العشره
انا بشحن بهللحظه بطاقة سعرها الفان


وفضّي نفسك الليله لاني بنتهي بكره
باخبرك عن اصلي واسجل للبشر عنوان


انا ارضي يمن شامخ شموخ العز والكبره
انا جدي علي السلفي تسلسل من نسل قحطان


انا التاريخ انا الحاظر انا هالنجم انا قمره
انا الزلزال والموجه انا البارق انا البركان


انا البأس الشديد اللي هرب لعداء من شره
وانا الخير الذي مايعرفه جني ولا انسان


انا الساعق انا المدفع انا ذي ماضرر ضره
انا ميراجها والميج اذا عك الارض دخان


جنوبي يافعي اصلي وحدّي لاجبل عُره
وخشي صفحت الجوجل وخلّي اليافعي عنوان


وشوفي كلمة الانتر بسرعه اضغطي زره
بتظهرلك حضارتنا قديمه من قبل هامان


يافعنا تعلا فوق كنه كوكب الزُهره
هذي هي حقيقه خالده تُذكر عبر لزمان


ولو قلنا عدن يبقالها موجز مع النشره
جمالاً يبهر الناظر ابد مادار بالاذهان


ولو بوصف طبيعتها نزف سن القلم حبره
معاني ماتكفيها حروف الضاداو برهان


لنا اول مطار انحط بتاريخ العرب ذكره
وصهاريج الطويله فن ماقدشافته اعيان


وفي قاعت جبال الخور دفنّا سكود في قبره
اذا حنت رواعدها تعالت من قمم شمسان


وفي ابحارنا /قالت صدق باتجلس لبكره
مرّت ساعة(ن) وانته بتوصف شكلها ولوان


اذا هذا وطنكم ليه قررتو على الهجره
وليه الحرب هذي عندكم مابين آن وآن


وليه الناس تتظاهر وتُقتل ياهي الحسره
وليه الحوثي الماكر تمرّد في جبل دخان


كفى بالله لاتكذب لان الكذب له وزره
تسرح في مخيلتك وواقع ارضكم خربان


سكت وكنها تغرس بصدري سم بالابره
ورديت النفس ثاني ودمعي كالمطر شنّان


وقلتلها كلامك صح ابد ماببتكر عذره
ولكن اسمعي مني سبب ذي زعزع الاركان


كان الحزب لول عادل(ن) بالارض له جُبره
ولكن الفتن زادت دخل مابيننا شيطان


وصارت حرب اهليه يناير اصبح العبره
وكم من كفو اصبح جثته تطوى على لكفان


وجتنا وحدت التسعين هلاك(ن) فاتح(ن) صدره
رفعنا الرايه اللي ظُلمها مازال حتى الان


الآ يالوحده السوداء جعلتي ارضنا غُدره
ولونتي الارض اللي ابد ماتعرف الالوان


طعمتينا ورق يابس مرير(ن) بأسفل الشجره
وأكّلتي المنافق ثمرها الحالي مع الرمان


وكمن خافي(ن) مستور انا ماباعلن سرّه
وآه وآه باحذّر انا من طعنت الاخوان


وبعد الوضع ذا كله تلوميني على الهجره
فُراق الاهل كنه كالسجن بين اربعه حيطان


ولكن الظرف يجبر اتابع بالرزق اثره
ومدري منهو الخاسر ومدري منهو الكسبان


وقالت اسفه ياذا تراني جاهلت امره
نرحب بك بدولتنا من اسكاكا الى نجران


وقلت المملكة خير(ن) لئن الزرع من بذره
مدام ان الشرع ثابت واهل العدل والميزان


وقلتلها انا طوّلت عليكِ هرجي بكثره
فأمان الله يابنت الأجاود عاليين الشان


وراح الضيق ذي سيطر عليا بأول السمره
ورددت المثل ذي قال صُدف ماكانت بحسبان


وختم القول صلو عالنبي طه ألف مره
صلاة الله على طه منوّر كامل الأديان



تحياتي